ភាពយន្តខ្មែរ ៣រឿង ដែលបញ្ចាំងនៅលើប៉ុស្តិ៍ទូរទស្សន៍ផង និងរោងកុនផង
ស្រពពេលដែលវិស័យភាពយន្តកំពុងរីកដុះដាលជាលំដាប់ ក៏មានសមិទ្ធផលភាពយន្តខ្មែរល្អៗជាហូរហែត្រូវបានផលិតជាបន្តបន្ទាប់មិនថាជារឿងភាគ ឬដុំនោះទេ លើសពីនោះក៏មានរឿងខ្លះត្រូវបានផលិតជាខ្សែភាពយន្តភាគសម្រាប់ទូរទស្សន៍ និងដុំសម្រាប់កុនផងដែរ។
នៅពេលថ្មីៗនេះ ភាពយន្តដែលត្រូវបានផលិតឡើងដើម្បីបញ្ចាំងនៅរោងកុនផង និងទូរទស្សន៍មានចំនួន៣រឿងគឺ៖
១. "មន្តស្នេហ៍លេខា" ៖ ភាពយន្តដែលបម្លែងចេញពីប្រលោមលោកនេះ កំពុងបញ្ចាំងនៅលើកកញ្ចក់ទូរទស្សន៍ PNN និងត្រៀមបញ្ចាំងក្នុងរោងភាពយន្តពាក់កណ្ដាលខែកក្កដាខាងមុននេះហើយ។ ក្នុងនោះលោក អ៊ិន សុភិន ចាហ្វាងផលិតកម្មមហាហង្ស បញ្ជាក់ថា ក្នុងរោងកុន គឺខុសគ្នាដាច់គ្នាតែម្តងជាមួយរឿងភាគលើទូរទស្សន៍។
២. "នាងនាថបាត់ដំបង" ៖ ភាពយន្តថ្មីនេះ គឺថតតាមលំនាំរឿងព្រេងខ្មែរ បានបង្ហាញខ្លួននៅតាមរោងភាពយន្តរួចហើយតាំងពីដើមខែ មិថុនា មកម្ល៉េះ ទើបតែបញ្ចាំងលើកញ្ចក់ទូរទស្សន៍ប៉ុស្តិ៍លេខ ៥ កាលពីថ្ងៃចន្ទ ដើមសប្ដាហ៍នេះប៉ុណ្ណោះ។
៣. "ហ្លួងព្រះស្ដេចកន" ៖ ភាពយន្ដដែលត្រៀមនឹងអង្រួនវិស័យសោតទស្សន៍ខ្មែរនេះ ក៏មិនខុសពីភាពយន្ត២ខាងលើដែរ រឿងនេត្រៀមបង្ហាញខ្លួននៅលើទូរទស្សន៍ PNN និងតាមបណ្ដារោងកុននានាក្នុងពេលឆាប់ៗ។
ប្រភព៖ Sabay
Post a Comment